مملكة الابداع
اهلا وسهلا بك شرفتنا


منتدى عام
 
الرئيسيةالتسجيلدخول

شاطر | 
 

 مقارنة فى الميكروباص بين ولد وبنت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ملكة بكلمتى
المديرة
المديرة
avatar

عدد المساهمات : 146
نقاط : 509
السٌّمعَة : 11
تاريخ التسجيل : 16/02/2011
العمر : 21
الموقع الموقع : فى بيت بابا وماما
المزاج المزاج : Very happy and eager for the better

مُساهمةموضوع: مقارنة فى الميكروباص بين ولد وبنت    الخميس فبراير 24, 2011 5:57 pm

الفرق بين الولد و البنت فى الميكروباص :

اول حاجة :

(وانتا بتوقف الميكروباص وياسلام لو مافيش مكان )
...
لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي

انما بقا لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك



ثانى حاجة

(وانتا طالع كتير مننا ممكن يخبط راسه في الباب)

طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
تلاقي اللي ممكن يقوم يضرب السواق

انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا

تالت حاجة :

(وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك)

طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل

ولو قفلت الباب بالجامد بقا

لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب


رابع حاجة :

(طبعا ممكن يجيلك تليفون وانتا قاعد في الميكروباص )

لو انتي بنت وانتي بتقولي الو ياسلااااام الله يا جماعه على صوتها شوفو الرقة يابخته المحظوظ اللي بيكلمك ولو معاها موبايل معفن ياسلام ع التواضع

انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام صوتك صرعتنا والله عرفنا انك معاك زفت موبايل
ولو الموبايل معفن .. وكمان بتتعايق بموبايل معفن امال لو كان موبايل عدل شوية كنت عملت ايه

خامس حاجة :

(لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل)


طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)

انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه

سادس حاجة :

(طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره)

طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات


انما بقا البنت يادوب كل اللي هاتعمله انها توشوش على جنب وكأنها بتكلم نفسها
هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب ..... انتا اطرش ؟؟...
.
الرجوع الى أعلى الصفحة اذهب الى الأسفل
http://mamlaka.ibda3.org
الورد الذهبى
عضو مهم
عضو مهم
avatar

عدد المساهمات : 133
نقاط : 219
السٌّمعَة : 11
تاريخ التسجيل : 19/02/2011
العمر : 21
المزاج المزاج : مظبوط

مُساهمةموضوع: رد: مقارنة فى الميكروباص بين ولد وبنت    الخميس فبراير 24, 2011 9:20 pm

امال ايه البنات الاول فى كل حاجه
على مر العصور
الرجوع الى أعلى الصفحة اذهب الى الأسفل
ملكه الرومانسيه
عضو نشط
عضو نشط
avatar

عدد المساهمات : 10
نقاط : 10
السٌّمعَة : 0
تاريخ التسجيل : 21/02/2011
العمر : 21

مُساهمةموضوع: رد: مقارنة فى الميكروباص بين ولد وبنت    الجمعة فبراير 25, 2011 10:05 am

طبعا احنا الاول في كل حاجه
هو احنا حاجه صغيره ولا ايه
الرجوع الى أعلى الصفحة اذهب الى الأسفل
ملكة بكلمتى
المديرة
المديرة
avatar

عدد المساهمات : 146
نقاط : 509
السٌّمعَة : 11
تاريخ التسجيل : 16/02/2011
العمر : 21
الموقع الموقع : فى بيت بابا وماما
المزاج المزاج : Very happy and eager for the better

مُساهمةموضوع: رد: مقارنة فى الميكروباص بين ولد وبنت    الجمعة فبراير 25, 2011 11:06 am

طبعا حد يقدر ينكر حاجة زى دى
تسلمووووووووووووو على المرور
الرجوع الى أعلى الصفحة اذهب الى الأسفل
http://mamlaka.ibda3.org
 
مقارنة فى الميكروباص بين ولد وبنت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مملكة الابداع :: منتديات المملكة الترفيهية :: منتدى المملكة للضحك والفكاهة والفرفشة-
انتقل الى: