مملكة الابداع
اهلا وسهلا بك شرفتنا


منتدى عام
 
الرئيسيةالتسجيلدخول

شاطر | 
 

 قصيدة جحااا للشاعر هشام الجخ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نسيم الفجر
المــشــرفــة الــعــامــة
المــشــرفــة الــعــامــة
avatar

عدد المساهمات : 151
نقاط : 682
السٌّمعَة : 28
تاريخ التسجيل : 18/02/2011
العمر : 21
المزاج المزاج : happy

مُساهمةموضوع: قصيدة جحااا للشاعر هشام الجخ   السبت فبراير 19, 2011 3:37 pm

اروع قصيدة للشاعرالمصرى الرائع هشام الجخ
بيوصف فيها حال مصر قبل ثورة 25 يناير بيوصف فيها ازاى اننا كنا بنتهان وبنتظلم وبنتنهب فى بلدنا بيوصف فيها اننا فعلا كنا عايشين فى بلدنا ضيوف


القصيدة بعنوان : "جحا"
شعور سخيف
إنك تحس بإن وطنك . . شيء ضعيف
صوتك . . ! ضعيف
رأيك . . ! ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قال لك أصل إتنين . . وشبكوا
اللي كان من تحت ميت
واللي كان من فوق كفيف !
ده شعور سخيييييييييييييف .

وشعور سخيف
إنك تكون رمز الشحاته
تبني مبنى للشحاته
تعمل وزارة للشحاته
يا ساقية دوري . . . عدييي فوقي ودوسي
نصبوا عليا . . وشحتوني فلوسي !
ربطوني فيكي .. حتى ما إتغميت ! ؟
هما إللي فرحوا . .ووحدي أنا . .إتغميت ! ؟

أنا اللى صاحب البييييييييييييييييييييييت .
عايش بدون لازمة ؟ .
ولما مرة شكيت . .
إدوني بالجزمة .
مش لاقي تطفح آديك
هاتوا لنا
وجيبولنا وإدونا ودونا . .
هنجيب منين نديك ؟
مش لاقي تطفح آديك ؟

طافح يا بلدي غدايا
ولوعتي غدايا
وآدي الأحبة إلتقوا . . وإتجمعوا عدايا !

أنا اللى زارعك دهب !
بتأكلينى سباخ ؟
ما إن كان ده تقل ودلع ؟
بزيادة دلعك باخ . .
لاشفت فيكي هنا ولا شفت فيكي ترف . . كل اللي فيكي قرف
كرامتنا متهانة
واللقمة بإهانة
بتخلفينا لييييييييييييييه ؟؟؟؟؟ لما إنتى كارهانه !

يعني إيه . . تبقى إنتى هبة النيل يا بوبه ؟
وكل يوم المية تقطع !
يعنى إيه .. لما أشتكي غلو الفاتورة ؟
يقولوا تشكي بس تدفع !

لما قش الرز . . ثروة بتتحرق ! ؟
وأما نفط الأمة . . ثروة بتتسرق ! ؟
وأما جلادك . . على ولادك . . بيبطش ! ؟
وأما علمك ما يلاقيش يآكل . . فـــ . . يطفش ! ؟

يعني إيه نرفع إيدينا بالسلام لأجل الغزاه ؟
ويعني إيه لما أبقى ماشى فى حالى . . اتشد اشتباه ! ؟
يعني إيه . . لما أتحبس أربع سنين حبس إحتياطي؟
حبس إعتباطي ..

يعني إيه مش حاسة بالعمر وغلاوته ! ! ؟
بتصبي مر العمر لييييييييييه ؟

ده أنا كنت ح أوهب لك حلاوته

أنا عمري ما أتأمرت . .
ولا حطيت شروطي .
ومكان ما ترسى مركبك . .
بابني شطوطي .
أنا كنت جيشك . . لما مماليلك باعوكي . .
وكنت يوسف . . لما عشتي سنين عجاف .
وضلوعي دي . . اللي فـــ معركة قادش حموكى . .
وشفايفي دي اللي ما بطلتش فى يوم هتااااف .
أنا كل شبر فى أرضك إتمرمغت فيه . .
وكل يوم عشتيه . .
أنا اتعذبت بيه .
بتكرهيني عيونك السودا وأيامي اللي فاتت
منتيش حبيبتي من النهاردة . . حبيبتي ماتت
مع صوت أدانك جرس
فى الشدة صاحينلك .
من إمتى كانوا الحرس .
هما اللى باقينلك ؟

بعتيني علشانهم ! ؟
وعنيكي معصوبة .
ياهل ترى . . خاينة . .
ولا زيي ؟
مغصوبة .

كل الكلام إتقال . .
والشعر بقيى ماسخ .
والصبر علو جبال . .
والظلم شىء راسخ .

وطن وغرقان في النطاعة
كل شيئ رييحته نطاعة

علمونا بالعصاية . .
ورضعونا الخوف رضاعة .
علمونا . . في المدارس .
يعني إيه كلمة قيام ! ؟
قيــــــام ؟ !
علمونا نخاف من الناظر . .
فيتمنع الكلام .
علمونا إزاي نخاف ! !
وإزاي نكش ! .
بس نسيوا يعلمونا الاحترام .
فمتزعلوش .
فمتزعلوش . .
لما أبقى مش باسمع كلامكم . .
وما تزعلوش . . لما أبقى خارج عـ النظام .

مستنيي إيه من طفل ربوه بالزعاق ؟
غير المشاكل . . والخناق ؟ !
كل اللي بيقول لك بحبك دول نفاق
أنا لما قولت لك بحبك كان نفاق
الحب يعني إتنين بيدوا
مش إيد بتبني وستميةتيييت تيييت يهدوا
الحب حالة
الحب مش شعر وقوالة
الحب يعني : براح فى قلب العاشقين للمعشوقين .
يعنى . . الغلابة يناموا فى الليل دفيانين ! .
الحب يعنى : جواب لكل المسجونين !
هما ليه بقوا مسجونين ؟ !
يعنى أعيش علشان هدف . !
علشان رسالة . !
يعنى أحس بقيمتي فيكي .
وإني مش عايش عوالة .

يعنى لما أعرق . . تكافئينى بعدالة .
الحب : حالة .
الحب : مش شعر وقوالة .

الحب : حاجة . . ما تتوجدشي فى وسط ناس ! ! !
بتجيب غداها من صناديق الزبالة ! ؟ .
الحب : جواكي إستحالة
الرجوع الى أعلى الصفحة اذهب الى الأسفل
ملكة بكلمتى
المديرة
المديرة
avatar

عدد المساهمات : 146
نقاط : 509
السٌّمعَة : 11
تاريخ التسجيل : 16/02/2011
العمر : 21
الموقع الموقع : فى بيت بابا وماما
المزاج المزاج : Very happy and eager for the better

مُساهمةموضوع: رد: قصيدة جحااا للشاعر هشام الجخ   السبت فبراير 19, 2011 7:04 pm

كنا بنتهان بس الكلام ده كان زمان بعد 25 يناير بقينا حاجة تانية خالص
وخلاص مش عاد حد هيقدر يهين الشعب المصرى خلاص رجعنا زى الأول
بقى بيتعملنا ألف حساب وبكرة الشعب المصرى هيورى العالم نفسه
الرجوع الى أعلى الصفحة اذهب الى الأسفل
http://mamlaka.ibda3.org
الورد الذهبى
عضو مهم
عضو مهم
avatar

عدد المساهمات : 133
نقاط : 219
السٌّمعَة : 11
تاريخ التسجيل : 19/02/2011
العمر : 21
المزاج المزاج : مظبوط

مُساهمةموضوع: رد: قصيدة جحااا للشاعر هشام الجخ   الخميس فبراير 24, 2011 4:58 pm

خلاص زمن الشحاته انتهى بعد 23يناير
لما الشعب بدأ يقول خلاص زهأت كفايه
الرجوع الى أعلى الصفحة اذهب الى الأسفل
 
قصيدة جحااا للشاعر هشام الجخ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مملكة الابداع :: منتديات المملكة الأدبية :: منتدى المملكة الأدبى-
انتقل الى: